• Kongresua formatu hibrido batekin egingo da, hizlarien parte-hartze presentziala eta biltzarkideentzako urrunekoa konbinatuz.
  • Uhinak azaroaren 4an eta 5ean izango da Ficoban

Uhinak, Klima Aldaketaren eta Itsasertzaren Mugaz Gaindiko Kongresuak, laugarren edizioari ekingo dio, “Larrialdi klimatikoaren aurrean jarduteko mugitzen gara” lelopean. Komunitate zientifikoaren, teknikoaren eta administrazio publikoaren ordezkariek gogoeta egin eta eztabaidatuko dute, diziplina anitzeko ikuspegi batetik, kudeatzaileek klima-aldaketaren aurrean dituzten beharrak ezagutzeko eta komunitate zientifikoak beharrizan horiek konpontzeko zer ekarpen egin dezakeen ikusteko.

Aurreko edizioetan ez bezala, klima-aldaketari eta itsasertzari buruzko kongresua formatu hibridoarekin egingo da. Bertan, txostenek eta inaugurazioak Ficobako Auditorioa izango dute eszenatoki, eta biltzarkideek urrutitik parte hartuko dute, Uhinak kongresuaren edukiek streaming bidez egindako emisioei esker.

Biltzarkideek Uhinak erakundearen beste eduki batzuk eskuratu ahal izateko, hala nola, posterrak, atal bat prestatu da kongresuaren webgunean.
Planteamendu berri horren bidez, Uhinak kongresuko edukiak eskuratzeko modurik onena bermatzen du , bai eta biltzarkideen parte-hartzea ere, Covid-19tik eratorritako osasun-egoera edozein dela ere. Gainera, urruneko bisitariengana errazago iristeko aukera ematen du.

Bestalde, Uhinak programa  ixten jarraitzen du. Gaur bertan eskuragarri egongo da kongresuaren webgunean aurtengo edizioan garatuko den hitzaldi-programa ofiziala, 4 multzotan banatuta: larrialdi klimatikoa: gure itsasertza 2050ean; Muturreko ekitaldiak eta egokitzapen-neurriak; Karbono urdina eta klima-aldaketa arintzea; eta Gobernantza eta kudeaketa-tresnak, guztira 40 hitzaldi aurreikusita.

Uhinak, Ficobak eta Azti zentro teknologikoak sustatutako Klima eta Itsasertzaren Aldaketaren Mugaz Gaindiko Kongresuak Batzorde Tekniko baten babesa du. Batzorde hori Eusko Jaurlaritzako (Ihobe), Gipuzkoako Foru Aldundiko, Communautéd ‘agglomération Pays Basque, Adegi, CSIC/ESADE/CEAB, Klima Aldaketaren Espainiako Bulegoa, BC3, EUCC Atlantikoko ordezkariek osatzen dute. Cristina-Enea, Akitania Berria-Euskadi-Nafarroa euroeskualdea eta halaber, Uhinak erakundeak hainbat erakunderen babesa du: Eusko Jaurlaritzako Ingurumen, Lurralde Plangintza eta Etxebizitza Saila, Ihobe sozietate publikoaren bidez; Gipuzkoako Foru Aldundia (Ingurumen Saila); Communauté d ‘agglomération Pays Basque; eta Nouvelle Aquitaine eskualdea.

Informazio gehiago: www.uhinak.com