- 20 enpresa erakusketari baino gehiago
- Caravaning-eko artikuluen zozketak, autokarabana edo camperrentzako asegurua, aisialdi-esperientziak, Futuroscope-rako familia-sarrerak eta 600 euroko laguntza caravaning ibilgailu bat erosteko edo alokatzeko azokan bertan
- Sarrera eta aparkalekua doan
Caravantur azokak hamarkada bat betetzen du turismo ibiltariaren zaleentzako ezinbesteko topagune bihurtuta. X. edizioa Ficoban ospatuko da, Euskadiko hitzordu campero nagusi gisa sendotuz eta hurrengo oporrak autokarabanaz planifikatzeko erakusleiho onena bihurtuta.
Hiru egunez, Ficobako hiru pabiloiek 20 enpresa erakusketari baino gehiago bilduko dituzte, aisialdiko eta errekreraziorako ibilgailuen ordezkaritza zabalarekin: camperizatzeko prest dauden furgoneta mistoak, Urban Van eta camper moldakorrak, “Gran Volumen” motako modeloak eta goi mailako autokarabana integralak barne. Lehen ibilgailua bilatzen dutenentzat zein berritu, alokatu edo hurrengo oporrak planifikatu nahi dituztenentzat pentsatutako gunea.
- urteurrena zozketa handiekin
Hamargarren urteurrena dela eta, Caravanturrek publikoarekin modu berezian ospatu nahi du. Edizio honetan caravaning-eko hainbat artikulu, autokarabana edo camperrentzako asegurua, aisialdi esperientziak eta familiarentzako sarrerak zozketatuko dira Futuroscope-era joateko.
Sari horiei gehitzen zaie azken urteetan bisitarien artean oso baloratua izan den 600 euroko laguntzaren zozketa tradizionala, azokan bertan caravaning ibilgailu bat erosteko edo alokatzeko.
Ibilgailuez harago
Caravantur inspiratzeko eta ibilbideak planifikatzeko gunea ere bada. Edizio honetan stand tematikoak egongo dira Euskadiko, Nafarroako eta Levante eremuko camping helmugen inguruko informazioarekin; autokarabanaz Marokora bidaiatzeko proposamenak; baita ibilgailu errekrerazionaletarako alarmetan espezializatutako enpresak eta camperren barrualdea pertsonalizatzeko tapizatu aukerak ere.
Gainera, aisialdi gunea eta food truck-ak egongo dira, asteburu osoan giro familiar eta dinamikoa sortuz.
Sarrera, aparkalekua eta gaua pasatzeko aukera
Sarrera eta aparkalekua doakoak dira. Garraio publikoa nahiago dutenek erraz iritsi ahal izango dute, Euskotren-en geltokia azoka esparrutik metro gutxira baitago.
Halaber, kanpotik datozenek autokarabana eta camperrentzako egokitutako aparkalekuan gaua igaro ahal izango dute, aurrez izena emanez www.caravantur.eus webgunean.
Ordutegia
• Ostirala: 16:00 – 20:00
• Larunbata: 10:00 – 20:00
• Igandea: 10:00 – 19:00