Eusko Ikaskuntza – Bateratze foroa: Euskal Hezkuntza Sistema. Etorkizuna elkarrekin lantzen

Ekainaren 15ean burutuko den bateratze-foroan, herri ikuspegi batetik hezkuntza sistemari begiratzen dion ekimena mugarri nagusiaren atarian kokatuko da; Eusko Ikaskuntzaren XIX. Kongresua.

Bateratze-foro honetan irakurketa eta proposamen bateratuak bilatuko dira. Begirada komun batetik eta lurraldetasunean oinarritutako ariketa burutzeko, lanabes hauek eskainiko ditugu: Orain arte prozesuan zehar jasotako gakoak, etapa guztiek lotzen dituzten lehentasunak eta erantzun beharrekoak; Euskal Herriko hezkuntza sistema bakoitzaren ezaugarriak eta lurralde bakoitzaren errealitatera hurbilketa deskriptiboa.