KONPROMISO JASANGARRIA

Hasieratik, Ficobak sentsibilitate berezia izan du ingurumenaren arloan. Bokazio hori energia fosilen kontsumoa pixkanaka bertan behera uztean eta energia berriztagarriekin ordezkatzean gauzatu da, bai eta planeta errespetatzen duen kontsumoa eta bizimodua sustatzen duten azokak eta ekitaldiak sortzean ere.

Konpromiso jasangarria, beraz, Ficobaren ezaugarri bat da. 2003an erakustazoka inauguratu zenetik, iraunkortasunarekin lotutako ekitaldiak sustatu ditugu, hala nola Bioterra azoka ekologikoa, klima aldaketari eta itsasertzari buruzko kongresua, Uhinak, Go Mobility, mugikortasun berriaren azoka eta Be Veggie jaialdi beganoa.

Hauek dira Ficobaren ingurumen-sentsibilitatea agerian uzten duten mugarrietako batzuk, kronologikoki ordenatuta:

2004

Bioterra Produktu Ekologikoen, Bioeraikuntzaren, Energia Berriztagarrien eta Kontsumo Arduratsuaren Euskadiko Azokaren lehen edizioa. 2023an hogeigarren urteurrena ospatuko du.

2007

Ficoba karbonoan neutroa den Europako lehen erakustazoka da, Ekopass ekimenari atxikita, bere instalazioetan egiten diren azokek sortzen dituzten karbono-isuriak konpentsatuz.

2008

Ficobako estalkian EEEren (Energiaren Euskal Erakundea) eguzki-energia fotovoltaikoa sortzeko planta bat instalatzea, 1.100 m2-ko azalerakoa eta 95,2 Kw-ko energia-gailurra sortzeko gaitasuna duena, garai hartan Gipuzkoako handiena zena.

2015

Klima-aldaketari eta itsasertzari buruzko Uhinak kongresuaren lehen edizioa, klima-aldaketak itsasertzean dituen ondorioei mugaz gaindiko eta diziplinarteko ikuspegitik nola aurre egin aztertzen duena.

2015

Frantziako Gobernuak COP21 labela eman dio Uhinak-i Klima Aldaketari buruzko Nazioarteko XXI. Konferentziaren testuinguruan.

2017

Urte horretatik aurrera, Ficoba energia berriztagarriekin soilik elikatzen da.

2017

Bioterra, produktu ekologikoen, bioeraikuntzaren, energia berriztagarrien eta kontsumo arduratsuaren azokaren hamalaugarren edizioarekin bat eginez, Ihobek, Eusko Jaurlaritzaren ingurumen-kudeaketarako sozietate publikoak, sustatzen duen Erronka Garbia ekimenarekin bat egin zuen Ficobak. Ekimen honen helburu nagusia ekitaldien antolaketan iraunkortasun-irizpideak sartzea da, inpaktuak murrizteko eta arintzeko.

2018

Go Mobility azokaren lehen edizioa. Enpresak, adituak eta administrazioak biltzen ditu, etorkizuneko mugikortasunari heltzeko

2019

Be Veggie jaialdiaren lehen edizioa, beganismoarekiko, ingurumenaren zaintzarekiko, animalien aurkako tratu txarrekiko eta osasunaren zaintzarekiko gero eta interes handiagoari erantzuna ematen diona.

2023

Eguzki energia fotovoltaikoa sortzeko instalazioa Ficobaren jabetzara pasatzen da.

2023

Ficobako hiru pabiloien lurzorua berritzea. Horri esker, erabilera bakarreko moketaren erabilera murriztea ahalbideratzen du, eta moketaren m2 bakoitzeko 53,3 kilo CO2 isurtzeari uztea.

Gai iraunkorren inguruko ekitaldiak sustatzen adituak: Bioterra, Uhinak, Go Mobility, Ekodrive...

Energia-kontsumoa %100 berreztagarria 2017az geroztik

Karbono osurietan Neutroa den Europako lehen Azoka-barrutia